DAO - Deskiñ brezhoneg d'An Oadurien

Etre an 18 hag ar 24 a viz Meurzh 2013, lidit ar brezhoneg hag ar gallaoueg un tammig e pep lec’h e Breizh !
Tro gentañ ar Skrivadeg d’ar Sadorn 23 a viz Meurzh e Lannuon, Daoulaz, Brasparzh, Brest, Karaez, Bruz, Kastell-Paol, Ploneiz, Gwened, Redon, Naoned, An Oriant ha Pariz.
Gourfenn : D’ar Sadorn 1 a viz Even e Redon.

DAO

Diwar intrudu burev Kuzul Sevenadurel Breizh e oa bet lañset ar mennozh bodañ evit ar wech kentañ ar frammoù kelenn evit an dud deuet e 1996. Da heul un nebeud emvodoù labour ha divizoù e oa bet sammet gant Ofis Ar Brezhoneg aozadur ar framm a zo deuet da vezañ Deskiñ d’An Oadourien, krouet e 2001.

D.A.O. a zo he falioù sikour an deskidi, ar gelennerien hag an aozadurioù dre ziorren an eskemm etrezo, micherelaat ar c’helenn brezhoneg d’an dud deuet ha lakaat ar c’helenn-se war-wel, kinnig ur stummadur d’ar gelennerien, resisaat palioù bep bloavezh-skol, brudañ ar stajoù brezhoneg, titouriñ an deskidi war al lec’hioù a ginnig ur stummadur war ar yezh...

Pal D.A.O. n’eo ket lakaat an holl aozadurioù war ar memes patrom. Pep a spered hag a zoare d’ober zo gant ar c’hevredigezhioù ha ret eo mirout al liesseurted-se. E-keñver tachennoù zo eo pouezus koulskoude mont war-raok evit unvaniñ anezho : kaout ur programm boutin, kaout prizioù tost a-walc’h etre an aozadurioù da skouer.

  Ha perak pas mont war-raok e brezhoneg e-pad an hañv ? Levrig da bellgargiñ pe da c’houlenn er lodenn "Deskiñ".

Ar stummadur war ar brezhoneg an tostañ deoc’h ! : listenn ar c’hentelioù brezhoneg 2012/2013

Poelladennoù brezhoneg : dao.skol

Ur gelaouenn aes da lenn en linenn "Lennomp!"